ہر ایک غم نچوڑ کے ہر اک برس جیے

ہر ایک غم نچوڑ کے ہر اک برس جیے

دو دن کی زندگی میں ہزاروں برس جیے

صدیوں پہ اختیار نہیں تھا ہمارا دوست

دو چار لمحے بس میں تھے دو چار بس جیے

صحرا کے اس طرف سے گئے سارے کارواں

سن سن کے ہم تو صرف صدائے جرس جیے

ہونٹوں میں لے کے رات کے آنچل کا اک سرا

آنکھوں پہ رکھ کے چاند کے ہونٹوں کا مس جیے

محدود ہیں دعائیں مرے اختیار میں

ہر سانس پر سکون ہو تو سو برس جیے

har ek gham nichor ke har ik baras jiye

do din ki zindagi mein hazaron baras jiye

sadiyon pe ikhtiyar nahin tha hamara dost

do char lamhe bas mein the do char bas jiye

sahra ke is taraf se gae sare karwan

sun sun ke ham to sirf sada-e-jaras jiye

honton mein le ke rat ke anchal ka ik sara

ankhon pe rakh ke chand ke honton ka mis jiye

mahdud hain duaen mire ikhtiyar mein

har sans pur sukun ho to sau baras jiye