رکے رکے سے قدم رک کے بار بار چلے

رکے رکے سے قدم رک کے بار بار چلے

قرار دے کے ترے در سے بے قرار چلے

اٹھائے پھرتے تھے احسان جسم کا جاں پر

چلے جہاں سے تو یہ پیرہن اتار چلے

نہ جانے کون سی مٹی وطن کی مٹی تھی

نظر میں دھول جگر میں لیے غبار چلے

سحر نہ آئی کئی بار نیند سے جاگے

تھی رات رات کی یہ زندگی گزار چلے

ملی ہے شمع سے یہ رسم عاشقی ہم کو

گناہ ہاتھ پہ لے کر گناہ گار چلے

ruke ruke se qadam ruk ke bar bar chale

qarar de ke tire dar se be qarar chale

uthae phirte the ehsan jism ka jan par

chale jahan se to ye pairahan utar chale

na jane kaun si mitti watan ki mitti thi

nazar mein dhul jigar mein liye ghubar chale

sahar na ai kai bar nind se jage

thi rat rat ki ye zindagi guzar chale

mili hai shama se ye rasm-e-ashiqi ham ko

gunah hath pe le kar gunah gar chale