کہیں تو گرد اڑے یا کہیں غبار دکھے

کہیں تو گرد اڑے یا کہیں غبار دکھے

کہیں سے آتا ہوا کوئی شہسوار دکھے

خفا تھی شاخ سے شاید کہ جب ہوا گزری

زمیں پہ گرتے ہوئے پھول بے شمار دکھے

رواں ہیں پھر بھی رکے ہیں وہیں پہ صدیوں سے

بڑے اداس لگے جب بھی آبشار دکھے

کبھی تو چونک کے دیکھے کوئی ہماری طرف

کسی کی آنکھ میں ہم کو بھی انتظار دکھے

کوئی طلسمی صفت تھی جو اس ہجوم میں وہ

ہوئے جو آنکھ سے اوجھل تو بار بار دکھے

kahin to gard ure ya kahin ghubar dikhe

kahin se ata hua koi shahsawar dikhe

khafa thi shakh se shayad ke jab hua guzri

zamin pe girte hue phul be shumar dikhe

rawan hain phir bhi ruke hain wahin pe sadiyon se

bare udas lage jab bhi abshar dikhe

kabhi to chaunk ke dekhe koi hamari taraf

kisi ki ankh mein ham ko bhi intizar dikhe

koi tilismi sifat thi jo is hujum mein wo

hue jo ankh se ojhal to bar bar dikhe