کوئی خاموش زخم لگتی ہے

کوئی خاموش زخم لگتی ہے

زندگی ایک نظم لگتی ہے

بزم یاراں میں رہتا ہوں تنہا

اور تنہائی بزم لگتی ہے

اپنے سائے پہ پاؤں رکھتا ہوں

چھاؤں چھالوں کو نرم لگتی ہے

چاند کی نبض دیکھنا اٹھ کر

رات کی سانس گرم لگتی ہے

یہ روایت کہ درد مہکے رہیں

دل کی دیرینہ رسم لگتی ہے

koi khamosh zakhm lagti hai

zindagi ek nazm lagti hai

bazm-e-yaran mein rahta hun tanha

aur tanhai bazm lagti hai

apne sae pe paon rakhta hun

chhaon chhalon ko narm lagti hai

chand ki nabz dekhna uth kar

rat ki sans garm lagti hai

ye riwayat ke dard mahke rahen

dil ki derina rasm lagti hai