گلوں کو سننا ذرا تم صدائیں بھیجی ہیں

گلوں کو سننا ذرا تم صدائیں بھیجی ہیں

گلوں کے ہاتھ بہت سی دعائیں بھیجی ہیں

جو آفتاب کبھی بھی غروب ہوتا نہیں

ہمارا دل ہے اسی کی شعاعیں بھیجی ہیں

اگر جلائے تمہیں بھی شفا ملے شاید

اک ایسے درد کی تم کو شعاعیں بھیجی ہیں

تمہاری خشک سی آنکھیں بھلی نہیں لگتیں

وہ ساری چیزیں جو تم کو رلائیں، بھیجی ہیں

سیاہ رنگ چمکتی ہوئی کناری ہے

پہن لو اچھی لگیں گی گھٹائیں بھیجی ہیں

تمہارے خواب سے ہر شب لپٹ کے سوتے ہیں

سزائیں بھیج دو ہم نے خطائیں بھیجی ہیں

اکیلا پتا ہوا میں بہت بلند اڑا

زمیں سے پاؤں اٹھاؤ ہوائیں بھیجی ہیں

gulon ko sunna zara tum sadaen bheji hain

gulon ke hath bahut si duaen bheji hain

jo aftab kabhi bhi ghurub hota nahin

hamara dil hai usi ki shuaen bheji hain

agar jalae tumhen bhi shifa mile shayad

ik aise dard ki tum ko shuaen bheji hain

tumhari khushk si ankhen bhali nahin lagtin

wo sari chizen jo tum ko rulaen, bheji hain

siyah rang chamakti hui kinari hai

pahan lo achchhi lagengi ghataen bheji hain

tumhare khwab se har shab lipat ke sote hain

sazaen bhej do ham ne khataen bheji hain

akela patta hawa mein bahut buland ura

zamin se paon uthao hawaen bheji hain