شام سے آج سانس بھاری ہے

شام سے آج سانس بھاری ہے

بے قراری سی بے قراری ہے

آپ کے بعد ہر گھڑی ہم نے

آپ کے ساتھ ہی گزاری ہے

رات کو دے دو چاندنی کی ردا

دن کی چادر ابھی اتاری ہے

شاخ پر کوئی قہقہہ تو کھلے

کیسی چپ سی چمن میں طاری ہے

کل کا ہر واقعہ تمہارا تھا

آج کی داستاں ہماری ہے

sham se aj sans bhari hai

be qarari si be qarari hai

ap ke baad har ghari ham ne

ap ke sath hi guzari hai

rat ko de do chandni ki rida

din ki chadar abhi utari hai

shakh par koi qahqaha to khule

kaisi chup si chaman mein tari hai

kal ka har waqia tumhara tha

aj ki dastan hamari hai