بیتے رشتے تلاش کرتی ہے

بیتے رشتے تلاش کرتی ہے

خوشبو غنچے تلاش کرتی ہے

جب گزرتی ہے اس گلی سے صبا

خط کے پرزے تلاش کرتی ہے

اپنے ماضی کی جستجو میں بہار

پیلے پتے تلاش کرتی ہے

ایک امید بار بار آ کر

اپنے ٹکڑے تلاش کرتی ہے

بوڑھی پگڈنڈی شہر تک آ کر

اپنے بیٹے تلاش کرتی ہے

bite rishte talash karti hai

khushbu ghunche talash karti hai

jab guzarti hai us gali se saba

khat ke purze talash karti hai

apne mazi ki justuju mein bahar

pile patte talash karti hai

ek ummid bar bar a kar

apne tukre talash karti hai

burhi paggdandi shahr tak a kar

apne bete talash karti hai