زندگی یوں ہوئی بسر تنہا

زندگی یوں ہوئی بسر تنہا

قافلہ ساتھ اور سفر تنہا

اپنے سائے سے چونک جاتے ہیں

عمر گزری ہے اس قدر تنہا

رات بھر باتیں کرتے ہیں تارے

رات کاٹے کوئی کدھر تنہا

ڈوبنے والے پار جا اترے

نقش پا اپنے چھوڑ کر تنہا

دن گزرتا نہیں ہے لوگوں میں

رات ہوتی نہیں بسر تنہا

ہم نے دروازے تک تو دیکھا تھا

پھر نہ جانے گئے کدھر تنہا

zindagi yun hui basar tanha

qafila sath aur safar tanha

apne sae se chaunk jate hain

umr guzri hai is qadar tanha

rat bhar baten karte hain tare

rat kate koi kidhar tanha

dubne wale par ja utre

naqsh-e-pa apne chhor kar tanha

din guzarta nahin hai logon mein

rat hoti nahin basar tanha

ham ne darwaze tak to dekha tha

phir na jane gae kidhar tanha