خوشبو جیسے لوگ ملے افسانے میں

خوشبو جیسے لوگ ملے افسانے میں

ایک پرانا خط کھولا انجانے میں

شام کے سائے بالشتوں سے ناپے ہیں

چاند نے کتنی دیر لگا دی آنے میں

رات گزرتے شاید تھوڑا وقت لگے

دھوپ انڈیلو تھوڑی سی پیمانے میں

جانے کس کا ذکر ہے اس افسانے میں

درد مزے لیتا ہے جو دہرانے میں

دل پر دستک دینے کون آ نکلا ہے

کس کی آہٹ سنتا ہوں ویرانے میں

ہم اس موڑ سے اٹھ کر اگلے موڑ چلے

ان کو شاید عمر لگے گی آنے میں

khushbu jaise log mile afsane mein

ek purana khat khola anjane mein

sham ke sae balishton se nape hain

chand ne kitni der laga di ane mein

rat guzarte shayad thora waqt lage

dhup undelo thori si paimane mein

jane kis ka zikr hai is afsane mein

dard maze leta hai jo dohrane mein

dil par dastak dene kaun a nikla hai

kis ki ahat sunta hun wirane mein

ham is mor se uth kar agle mor chale

un ko shayad umr lagegi ane mein