درد ہلکا ہے سانس بھاری ہے

درد ہلکا ہے سانس بھاری ہے

جئے جانے کی رسم جاری ہے

آپ کے بعد ہر گھڑی ہم نے

آپ کے ساتھ ہی گزاری ہے

رات کو چاندنی تو اوڑھا دو

دن کی چادر ابھی اتاری ہے

شاخ پر کوئی قہقہہ تو کھلے

کیسی چپ سی چمن پہ طاری ہے

کل کا ہر واقعہ تمہارا تھا

آج کی داستاں ہماری ہے

dard halka hai sans bhari hai

jiye jane ki rasm jari hai

ap ke baad har ghari ham ne

ap ke sath hi guzari hai

rat ko chandni to orha do

din ki chadar abhi utari hai

shakh par koi qahqaha to khule

kaisi chup si chaman pe tari hai

kal ka har waqia tumhara tha

aj ki dastan hamari hai