شام سے آنکھ میں نمی سی ہے

شام سے آنکھ میں نمی سی ہے

آج پھر آپ کی کمی سی ہے

دفن کر دو ہمیں کہ سانس آئے

نبض کچھ دیر سے تھمی سی ہے

کون پتھرا گیا ہے آنکھوں میں

برف پلکوں پہ کیوں جمی سی ہے

وقت رہتا نہیں کہیں ٹک کر

عادت اس کی بھی آدمی سی ہے

آئیے راستے الگ کر لیں

یہ ضرورت بھی باہمی سی ہے

sham se ankh mein nami si hai

aj phir ap ki kami si hai

dafn kar do hamen ke sans ae

nabz kuchh der se thami si hai

kaun pathra gaya hai ankhon mein

barf palkon pe kyun jami si hai

waqt rahta nahin kahin tuk kar

adat us ki bhi admi si hai

aiye raste alag kar len

ye zarurat bhi bahami si hai