دن کچھ ایسے گزارتا ہے کوئی

دن کچھ ایسے گزارتا ہے کوئی

جیسے احساں اتارتا ہے کوئی

دل میں کچھ یوں سنبھالتا ہوں غم

جیسے زیور سنبھالتا ہے کوئی

آئنہ دیکھ کر تسلی ہوئی

ہم کو اس گھر میں جانتا ہے کوئی

پیڑ پر پک گیا ہے پھل شاید

پھر سے پتھر اچھالتا ہے کوئی

دیر سے گونجتے ہیں سناٹے

جیسے ہم کو پکارتا ہے کوئی

din kuchh aise guzarta hai koi

jaise ehsan utarta hai koi

dil mein kuchh yun sambhalta hun gham

jaise zewar sambhalta hai koi

aina dekh kar tasalli hui

ham ko is ghar mein janta hai koi

per par pak gaya hai phal shayad

phir se patthar uchhalta hai koi

der se gunjte hain sannate

jaise ham ko pukarta hai koi