بہ ہر عنواں محبت کو بہار زندگی کہئے

بہ ہر عنواں محبت کو بہار زندگی کہئے

قرین مصلحت ہے اس کے ہر غم کو خوشی کہیے

جہاں سازوں کو فرزانہ ہم اہل دل کو دیوانہ

زمانہ تو بہت کہتا رہا اب آپ بھی کہیے

بعنوان دگر پھر ہم سے قائم کر لیا تم نے

وہ اک گہرا تعلق جس کو ترک دوستی کہیے

سمجھ کر سنگ راہ شوق ٹھکراتا ہوں منزل کو

کمال آگہی کہیے اسے یا گمرہی کہیے

شب مہتاب میں اکثر فضاؤں سے برستا ہے

طلسم نغمگی ایسا کہ جس کو خامشی کہیے

میں اکثر سوچتا ہوں تیری بے پایاں نوازش کو

ادائے خاص کہیے کوئی یا بس سادگی کہیے

بھری محفل سے بھی تشنہ ہی لوٹ آئی نظر اپنی

خود آگاہی سمجھ لیجے اسے یا خود سری کہیے

ba har unwan mohabbat ko bahar-e-zindagi kahiye

qarin-e-maslahat hai us ke har gham ko khushi kahiye

jahan sazon ko farzana ham ahl-e-dil ko diwana

zamana to bahut kahta raha ab ap bhi kahiye

baunwan-e-digar phir ham se qaim kar liya tum ne

wo ik gahra taalluq jis ko tark-e-dosti kahiye

samajh kar sang-e-rah-e-shauq thukrata hun manzil ko

kamal-e-agahi kahiye use ya gumrahi kahiye

shab-e-mahtab mein aksar fazaon se barasta hai

tilism-e-naghmagi aisa ke jis ko khamushi kahiye

main aksar sochta hun teri be payan nawazish ko

ada-e-khas kahiye koi ya bas sadgi kahiye

bhari mahfil se bhi tishna hi laut ai nazar apni

khud agahi samajh lije use ya khud siri kahiye