سارے منظر فسوں تماشا ہیں

سارے منظر فسوں تماشا ہیں

کل گھٹائیں تھیں آج دریا ہیں

کوئی یادوں سے جوڑ لے ہم کو

ہم بھی اک ٹوٹتا سا رشتہ ہیں

ناؤ جیسے بھنور میں چکرائے

اب بھی آنکھوں میں خواب زندہ ہیں

بے تحاشہ ہواؤں سے پوچھیں

راستے کس سفر کا نوحہ ہیں

دھند اوڑھے نگاہیں کیسی ہیں

سانس لیتے ہوئے کھنڈر کیا ہیں

sare manzar fusun tamasha hain

kal ghataen thin aj dariya hain

koi yadon se jor le ham ko

ham bhi ik tutta sa rishta hain

nao jaise bhanwar mein chakarae

ab bhi ankhon mein khwab zinda hain

be tahasha hawaon se puchhen

raste kis safar ka nauha hain

dhund orhe nigahen kaisi hain

sans lete hue khandar kya hain