چھیڑا ذرا صبا نے تو گلنار ہو گئے

چھیڑا ذرا صبا نے تو گلنار ہو گئے

غنچے بھی مہ جمالوں کے رخسار ہو گئے

وہ لوگ جن کی دشت نوردی کی دھوم تھی

مدت ہوئی کہ سنگ در یار ہو گئے

صدیوں کا غم سمٹ کے دلوں میں اتر گیا

ہم لوگ زندگی کے گنہ گار ہو گئے

زلفوں کی طرح پہلے بھی بادل حسین تھے

ڈولی پون تو اور طرحدار ہو گئے

chhera zara saba ne to gulnar ho gae

ghunche bhi mah jamalon ke rukhsar ho gae

wo log jin ki dasht nawardi ki dhum thi

muddat hui ke sang-e-dar-e-yar ho gae

sadiyon ka gham simat ke dilon mein utar gaya

ham log zindagi ke gunah gar ho gae

zulfon ki tarah pahle bhi badal hasin the

doli paun to aur tarhdar ho gae