کیا کیا لوگ خوشی سے اپنی بکنے پر تیار ہوئے

کیا کیا لوگ خوشی سے اپنی بکنے پر تیار ہوئے

ایک ہمیں دیوانے نکلے ہم ہی یہاں پر خوار ہوئے

پیار کے بندھن خون کے رشتے ٹوٹ گئے خوابوں کی طرح

جاگتی آنکھیں دیکھ رہی تھیں کیا کیا کاروبار ہوئے

آپ وہ سیانے رستے کے ہر پتھر کو بت مان لیا

ہم وہ پاگل اپنی راہ میں آپ ہی خود دیوار ہوئے

اپنی اپنی جگہ پر دونوں بے بس بھی مسرور بھی ہیں

تم تحریر سنگ ہوئے ہم بھولا ہوا اقرار ہوئے

آنے والی صبح گنے گی رات کے اندھے طوفاں میں

کتنے ساحل ہی پر ڈوبے کتنے بھنور کے پار ہوئے

kya kya log khushi se apni bikne par tayyar hue

ek hamen diwane nikle ham hi yahan par khwar hue

pyar ke bandhan khun ke rishte tut gae khwabon ki tarah

jagti ankhen dekh rahi thin kya kya karobar hue

ap wo siyane raste ke har patthar ko but man liya

ham wo pagal apni rah mein ap hi khud diwar hue

apni apni jagah par donon be bas bhi masrur bhi hain

tum tahrir sang hue ham bhula hua iqrar hue

ane wali subh ginegi rat ke andhe tufan mein

kitne sahil hi par dube kitne bhanwar ke par hue