کوئی صنم تو ہو کوئی اپنا خدا تو ہو — Bashar Nawaz

Arooz is now on the App Store, for iPhone and iPad. Download →

کوئی صنم تو ہو کوئی اپنا خدا تو ہو

اس دشت بے کسی میں کوئی آسرا تو ہو

کچھ دھندلے دھندلے خواب ہیں کچھ کانپتے چراغ

زاد سفر یہی ہے کچھ اس کے سوا تو ہو

سورج ہی جب نہ چمکے تو پگھلے گی برف کیا

بن جائیں وہ بھی موم مگر دل دکھا تو ہو

ہر چہرہ مصلحت کی نقابوں میں کھو گیا

مل بیٹھیں کس کے ساتھ کوئی آشنا تو ہو

خاموش پتھروں کی طرح کیوں ہوا ہے شہر

دھڑکن دلوں کی گر نہیں آواز پا تو ہو

باقی ہے ایک درد کا رشتہ سو وہ بھی اب

کس سے نبھائیں ہم کوئی درد آشنا تو ہو