جانے کیا دیکھا تھا میں نے خواب میں

جانے کیا دیکھا تھا میں نے خواب میں

پھنس گیا پھر جسم کے گرداب میں

تیرا کیا تو تو برس کے کھل گیا

میرا سب کچھ بہہ گیا سیلاب میں

میری آنکھوں کا بھی حصہ ہے بہت

تیرے اس چہرے کی آب و تاب میں

تجھ میں اور مجھ میں تعلق ہے وہی

ہے جو رشتہ ساز اور مضراب میں

میرا وعدہ ہے کہ ساری زندگی

تجھ سے میں ملتا رہوں گا خواب میں

jane kya dekha tha main ne khwab mein

phans gaya phir jism ke girdab mein

tera kya to to baras ke khul gaya

mera sab kuchh bah gaya sailab mein

meri ankhon ka bhi hissa hai bahut

tere is chehre ki ab-o-tab mein

tujh mein aur mujh mein taalluq hai wahi

hai jo rishta saz aur mizrab mein

mera waada hai ke sari zindagi

tujh se main milta rahunga khwab mein