گھٹتی بڑھتی روشنیوں نے مجھے سمجھا نہیں

گھٹتی بڑھتی روشنیوں نے مجھے سمجھا نہیں

میں کسی پتھر کسی دیوار کا سایا نہیں

جانے کن رشتوں نے مجھ کو باندھ رکھا ہے کہ میں

مدتوں سے آندھیوں کی زد میں ہوں بکھرا نہیں

زندگی بپھرے ہوئے دریا کی کوئی موج ہے

اک دفعہ دیکھا جو منظر پھر کبھی دیکھا نہیں

ہر طرف بکھری ہوئی ہیں آئنے کی کرچیاں

ریزہ ریزہ عکس ہیں سالم کوئی چہرا نہیں

کہتے کہتے کچھ بدل دیتا ہے کیوں باتوں کا رخ

کیوں خود اپنے آپ کے بھی ساتھ وہ سچا نہیں

ghatti barhti raushniyon ne mujhe samjha nahin

main kisi patthar kisi diwar ka saya nahin

jane kin rishton ne mujh ko bandh rakha hai ke main

muddaton se andhiyon ki zad mein hun bikhra nahin

zindagi biphre hue dariya ki koi mauj hai

ik dafa dekha jo manzar phir kabhi dekha nahin

har taraf bikhri hui hain aine ki kirchiyan

reza reza aks hain salim koi chehra nahin

kahte kahte kuchh badal deta hai kyun baton ka rukh

kyun khud apne ap ke bhi sath wo sachcha nahin