آہٹ پہ کان در پہ نظر اس طرح نہ تھی

آہٹ پہ کان در پہ نظر اس طرح نہ تھی

ایک ایک پل کی ہم کو خبر اس طرح نہ تھی

تھا دل میں درد پہلے بھی لیکن نہ اس قدر

ویراں تو تھی حیات مگر اس طرح نہ تھی

ہر ایک موڑ مقتل ارمان و آرزو

پہلے تو تیری راہ گزر اس طرح نہ تھی

جب تک صبا نے چھیڑا نہ تھا نکہت گلاب

کوچہ بہ کوچہ محو سفر اس طرح نہ تھی

برسوں میں پہلے ہوتی تھی نم آستیں کبھی

ارزاں متاع دیدۂ تر اس طرح نہ تھی

ahat pe kan dar pe nazar is tarah na thi

ek ek pal ki ham ko khabar is tarah na thi

tha dil mein dard pahle bhi lekin na is qadar

wiran to thi hayat magar is tarah na thi

har ek mor maqtal-e-arman-o-arzu

pahle to teri rah guzar is tarah na thi

jab tak saba ne chhera na tha nikhat-e-gulab

kucha ba kucha mahw-e-safar is tarah na thi

barson mein pahle hoti thi nam astin kabhi

arzan mata-e-dida-e-tar is tarah na thi