ہر نئی رت میں نیا ہوتا ہے منظر میرا

ہر نئی رت میں نیا ہوتا ہے منظر میرا

ایک پیکر میں کہاں قید ہے پیکر میرا

میں کہاں جاؤں کہ پہچان سکے کوئی مجھے

اجنبی مان کے چلتا ہے مجھے گھر میرا

جیسے دشمن ہی نہیں کوئی مرا اپنے سوا

لوٹ آتا ہے مری سمت ہی پتھر میرا

جو بھی آتا ہے وہی دل میں سما جاتا ہے

کتنے دریاؤں کا پیاسا ہے سمندر میرا

تو وہ مہتاب تکیں راہ اجالے تیری

میں وہ سورج کہ اندھیرا ہے مقدر میرا

har nai rut mein naya hota hai manzar mera

ek paikar mein kahan qaid hai paikar mera

main kahan jaun ke pahchan sake koi mujhe

ajnabi man ke chalta hai mujhe ghar mera

jaise dushman hi nahin koi mira apne siwa

laut ata hai miri samt hi patthar mera

jo bhi ata hai wahi dil mein sama jata hai

kitne dariyaon ka pyasa hai samundar mera

to wo mahtab taken rah ujale teri

main wo suraj ke andhera hai muqaddar mera