بہت تھا خوف جس کا پھر وہی قصا نکل آیا

بہت تھا خوف جس کا پھر وہی قصا نکل آیا

مرے دکھ سے کسی آواز کا رشتا نکل آیا

وہ سر سے پاؤں تک جیسے سلگتی شام کا منظر

یہ کس جادو کی بستی میں دل تنہا نکل آیا

جن آنکھوں کی اداسی میں بیاباں سانس لیتے ہیں

انہیں کی یاد میں نغموں کا یہ دریا نکل آیا

سلگتے دل کے آنگن میں ہوئی خوابوں کی پھر بارش

کہیں کونپل مہک اٹھی کہیں پتا نکل آیا

پگھل اٹھتا ہے اک اک لفظ جن ہونٹوں کی حدت سے

میں ان کی آنچ پی کر اور بھی سچا نکل آیا

گماں تھا زندگی بے سمت و بے منزل بیاباں ہے

مگر اک نام پر پھولوں بھرا رستا نکل آیا

bahut tha khauf jis ka phir wahi qissa nikal aya

mire dukh se kisi awaz ka rashta nikal aya

wo sar se paon tak jaise sulagti sham ka manzar

ye kis jadu ki basti mein dil-e-tanha nikal aya

jin ankhon ki udasi mein bayaban sans lete hain

unhen ki yad mein naghmon ka ye dariya nikal aya

sulagte dil ke angan mein hui khwabon ki phir barish

kahin konpal mahak uthi kahin patta nikal aya

pighal uthta hai ik ik lafz jin honton ki hiddat se

main un ki anch pi kar aur bhi sachcha nikal aya

guman tha zindagi be samt-o-be manzil bayaban hai

magar ik nam par phulon bhara rasta nikal aya