چپ چاپ سلگتا ہے دیا تم بھی تو دیکھو

چپ چاپ سلگتا ہے دیا تم بھی تو دیکھو

کس درد کو کہتے ہیں وفا تم بھی تو دیکھو

مہتاب بکف رات کسے ڈھونڈ رہی ہے

کچھ دور چلو آؤ ذرا تم بھی تو دیکھو

کس طرح کناروں کو ہے سینے سے لگائے

ٹھہرے ہوئے پانی کی ادا تم بھی تو دیکھو

یادوں کے سمن زار سے آئی ہوئی خوشبو

دامن میں چھپا لائی ہے کیا تم بھی تو دیکھو

کچھ رات گئے روز جو آتی ہے فضا سے

ہر دل میں ہے اک زخم چھپا تم بھی تو دیکھو

ہر ہنستے ہوئے پھول سے رشتہ ہے خزاں کا

ہر دل میں ہے اک زخم چھپا تم بھی تو دیکھو

کیوں آنے لگیں سانس میں گہرائیاں سوچو

کیوں ٹوٹ چلے بند قبا تم بھی تو دیکھو

chup chap sulagta hai diya tum bhi to dekho

kis dard ko kahte hain wafa tum bhi to dekho

mahtab bakaf rat kise dhund rahi hai

kuchh dur chalo ao zara tum bhi to dekho

kis tarah kinaron ko hai sine se lagae

thahre hue pani ki ada tum bhi to dekho

yadon ke saman zar se ai hui khushbu

daman mein chhupa lai hai kya tum bhi to dekho

kuchh rat gae roz jo ati hai faza se

har dil mein hai ik zakhm chhupa tum bhi to dekho

har hanste hue phul se rishta hai khizan ka

har dil mein hai ik zakhm chhupa tum bhi to dekho

kyun ane lagen sans mein gahraiyan socho

kyun tut chale band-e-qaba tum bhi to dekho