مشہور تو بس ایک دیا ہے مرے دل میں

مشہور تو بس ایک دیا ہے مرے دل میں

کتنے ہی ستاروں کی جگہ ہے مرے دل میں

تم نے تو حکایات ہی سن رکھی ہیں ورنہ

وہ شہر وہ خیمے وہ سرا ہے مرے دل میں

میں راہ سے بھٹکوں تو کھٹکتی ہے کوئی بات

جس طرح کوئی سمت نما ہے مرے دل میں

دنیا سے گزرنے کو ابھی عمر پڑی ہے

یہ خواب تو کچھ دن کو رکا ہے مرے دل میں

یہ گھر در و دیوار کی حد تک ہے سلامت

لیکن وہ جو گھر ٹوٹ گیا ہے مرے دل میں

یہ لوگ ذرا دیر کو ٹل جائیں تو بابرؔ

میں دیکھ لوں کیا وقت ہوا ہے مرے دل میں

mashhur to bas ek diya hai mire dil mein

kitne hi sitaron ki jagah hai mire dil mein

tum ne to hikayat hi sun rakhi hain warna

wo shahr wo kheme wo sara hai mire dil mein

main rah se bhatkun to khatakti hai koi bat

jis tarah koi samt numa hai mire dil mein

duniya se guzarne ko abhi umr pari hai

ye khwab to kuchh din ko ruka hai mire dil mein

ye ghar dar-o-diwar ki had tak hai salamat

lekin wo jo ghar tut gaya hai mire dil mein

ye log zara der ko tal jaen to babar

main dekh lun kya waqt hua hai mire dil mein