کسی طرح بھی وہ تکمیل مدعا کرتے

کسی طرح بھی وہ تکمیل مدعا کرتے

وفا کی خو جو نہیں تھی تو پھر جفا کرتے

ادائے حسن تو طالب ہے جاں سپاری کی

کلیم کیسے تجلی کا سامنا کرتے

تمام عمر خدا سے یہی دعا مانگی

وہ دن بھی آتا جو وہ مجھ سے التجا کرتے

ہمیں کسی کی طلب کا بھرم تو رکھنا تھا

جو ہم یہ جان نہ دیتے تو اور کیا کرتے

فقط تحفظ کشتی کا دھیان تھا ورنہ

ہم اور منت احسان ناخدا کرتے

ذرا بتائیں جو فرقت میں ہم پہ بیت گئی

یہ وقت آپ پہ پڑتا تو آپ کیا کرتے

میں ان کے لب کی دعا کا اٹھاؤں کیوں احسان

جو دیکھنے کو نہ آئے وہ کیا دعا کرتے

وفا ہے آج بھی ہل من مزید کی طالب

حبیبؔ مر گئے کتنے وفا وفا کرتے

kisi tarah bhi wo takmil-e-muddaa karte

wafa ki khu jo nahin thi to phir jafa karte

ada-e-husn to talib hai jan supari ki

kalim kaise tajalli ka samna karte

tamam umr khuda se yahi dua mangi

wo din bhi ata jo wo mujh se iltija karte

hamen kisi ki talab ka bharam to rakhna tha

jo ham ye jan na dete to aur kiya karte

faqat tahaffuz kashti ka dhyan tha warna

ham aur minnat ehsan nakhuda karte

zara bataen jo furqat mein ham pe bit gai

ye waqt ap pe parta to ap kya karte

main un ke lab ki dua ka uthaun kyun ehsan

jo dekhne ko na ae wo kya dua karte

wafa hai aj bhi hal man mazid ki talib

habib mar gae kitne wafa wafa karte