شام وعدہ گاہ رونا گاہ ہنسنا دیکھتے

شام وعدہ گاہ رونا گاہ ہنسنا دیکھتے

آپ تو آئے نہیں ورنہ تماشا دیکھتے

حوصلہ دل کا اٹھا کر تم یہ پردا دیکھتے

جذب کر لیتے تمہیں اپنے میں اتنا دیکھتے

اپنی صورت اپنا پرتو اپنا جلوہ دیکھتے

آپ دل کو توڑ دیتے تو تماشا دیکھتے

دید کی حسرت تھی موسیٰ ذوق نظارہ نہ تھا

ورنہ اپنے آئنے میں ان کا جلوہ دیکھتے

خود بڑھے تھے وہ ہماری سمت پیمانہ بکف

دیکھتے ان کا کرم یا روئے توبہ دیکھتے

چار دن میں اپنی صورت ہی نہ پہچانی گئی

ہم کہاں سے زندگی لاتے کہ دنیا دیکھتے

سر جھکا کر لے گیا گردن پہ خود خون وفا

کس طرح چہرے سے ان کے رنگ اڑتا دیکھتے

روک لی چلو میں توبہ توڑ کر بے اختیار

ہائے کن آنکھوں سے ہم ساغر چھلکتا دیکھتے

کاش جو انجام موسیٰ پر ہیں نازاں اے حبیبؔ

ایک دن میرا بھی وہ ذوق نظارہ دیکھتے

sham-e-waada gah rona gah hansna dekhte

ap to ae nahin warna tamasha dekhte

hausla dil ka utha kar tum ye parda dekhte

jazb kar lete tumhen apne mein itna dekhte

apni surat apna partau apna jalwa dekhte

ap dil ko tor dete to tamasha dekhte

did ki hasrat thi musa zauq-e-nazzara na tha

warna apne aine mein un ka jalwa dekhte

khud barhe the wo hamari samt paimana bakaf

dekhte un ka karam ya ru-e-tauba dekhte

char din main apni surat hi na pahchani gai

ham kahan se zindagi late ke duniya dekhte

sar jhuka kar le gaya gardan pe khud khun-e-wafa

kis tarah chehre se un ke rang urta dekhte

rok li chalo mein tauba tor kar be ikhtiyar

hae kin ankhon se ham saghar chhalakta dekhte

kash jo anjam musa par hain nazan ai habib

ek din mera bhi wo zauq-e-nazara dekhte