آئے ہم غالبؔ‌ و اقبالؔ کے نغمات کے بعد

آئے ہم غالبؔ‌ و اقبالؔ کے نغمات کے بعد

مصحفؔ عشق و جنوں حسن کی آیات کے بعد

اے وطن خاک وطن وہ بھی تجھے دے دیں گے

بچ گیا ہے جو لہو اب کے فسادات کے بعد

نار نمرود یہی اور یہی گلزار خلیل

کوئی آتش نہیں آتش کدۂ ذات کے بعد

رام و گوتم کی زمیں حرمت انساں کی امیں

بانجھ ہو جائے گی کیا خون کی برسات کے بعد

تشنگی ہے کہ بجھائے نہیں بجھتی سردارؔ

بڑھ گئی کوثر و تسنیم کی سوغات کے بعد

ae ham ghalib-o-iqbal ke naghmat ke baad

mushaf-e-ishq-o-junun husn ki ayat ke baad

ai watan khak-e-watan wo bhi tujhe de denge

bach gaya hai jo lahu ab ke fasadat ke baad

nar-e-namrud yahi aur yahi gulzar-e-khalil

koi atish nahin atish kada-e-zat ke baad

ram-o-gotam ki zamin hurmat-e-insan ki amin

banjh ho jaegi kya khun ki barsat ke baad

tishnagi hai ke bujhae nahin bujhti sardar

barh gai kausar-o-tasnim ki saughat ke baad