شبوں کی زلف کی روئے سحر کی خیر مناؤ

شبوں کی زلف کی روئے سحر کی خیر مناؤ

نگار‌ شمس عروس قمر کی خیر مناؤ

سپاہ دشمن انسانیت قریب آئی

دیار حسن سر رہ گزر کی خیر مناؤ

ابھی تو اوروں کے دیوار و در پہ یورش تھی

اب اپنے سایۂ دیوار و در کی خیر مناؤ

چلی ہے آتش و آہن کے دل سے باد سموم

چمن کے جلوۂ گلہائے تر کی خیر مناؤ

گزر نہ جائے کہیں بحر و بر سے خون کی دھار

فروغ شبنم و آب و گہر کی خیر مناؤ

یہ نفع خوروں کی دانش فروش دنیا ہے

متاع علم کی جنس ہنر کی خیر مناؤ

مرے لیے ہے مری مفلسی و ناپاکی

تم اپنی پاکئ قلب و نظر کی خیر مناؤ

shabon ki zulf ki ru-e-sahar ki khair manao

nigar shams urus-e-qamar ki khair manao

sipah-e-dushman insaniyat qarib ai

dayar-e-husn-e-sar rah guzar ki khair manao

abhi to auron ke diwar-o-dar pe yurish thi

ab apne saya-e-diwar-o-dar ki khair manao

chali hai atish-o-ahan ke dil se bad-e-samum

chaman ke jalwa-e-gulhae tar ki khair manao

guzar na jae kahin bahr-o-bar se khun ki dhar

farogh-e-shabnam-o-ab-o-guhar ki khair manao

ye nafa khuron ki danish farosh-e-duniya hai

mata-e-ilm ki jins-e-hunar ki khair manao

mire liye hai miri muflisi-o-napaki

tum apni paki-e-qalb-o-nazar ki khair manao