لغزش گام لیے لغزش مستانہ لیے

لغزش گام لیے لغزش مستانہ لیے

آئے ہم بزم میں پھر جرأت رندانہ لیے

عشق پہلو میں ہے پھر جلوۂ جانانہ لیے

زلف اک ہاتھ میں اک ہاتھ میں پیمانہ لیے

یاد کرتا تھا ہمیں ساقی و مینا کا ہجوم

اٹھ گئے تھے جو کبھی رونق مے خانہ لیے

وصل کی صبح شب ہجر کے بعد آئی ہے

آفتاب رخ محبوب کا نذرانہ لیے

عصر حاضر کو مبارک ہو نیا دور عوام

اپنی ٹھوکر میں سر شوکت شاہانہ لیے

laghzish-e-gam liye laghzish-e-mastana liye

ae ham bazm mein phir jurat-e-rindana liye

ishq pahlu mein hai phir jalwa-e-janana liye

zulf ik hath mein ik hath mein paimana liye

yad karta tha hamen saqi-o-mina ka hujum

uth gae the jo kabhi raunaq-e-mai khana liye

wasl ki subh-e-shab-e-hijr ke baad ai hai

aftab rukh mahbub ka nazrana liye

asr-e-hazir ko mubarak ho naya daur-e-awam

apni thokar mein sar-e-shaukat-e-shahana liye