کھلے ہیں مشرق و مغرب کی گود میں گلزار

کھلے ہیں مشرق و مغرب کی گود میں گلزار

مگر خزاں کو میسر نہیں یقین بہار

خبر نہیں ہے بموں کے بنانے والوں کو

تمیز ہو تو مہ و مہر و کہکشاں ہیں شکار

اسی سے تیغ نگہ آب دار ہوتی ہے

تجھے بتاؤں بڑی شے ہے جرأت انکار

کیے ہیں شوق نے پیدا ہزار ویرانے

اک آرزو نے بسائے ہیں لاکھ شہر دیار

نشاط صبح بہاراں تجھے نصیب نہیں

ترے نگہ میں ہے بیتی ہوئی شبوں کا خمار

فروخت ہوتی ہے انسانیت سی جنس گراں

جہاں کو پھونک نہ دے گی یہ گرمئ بازار

یہی ہے زینت و آرائش عروس سخن

مگر فریب بھی دیتی ہے شوخئ گفتار

khule hain mashriq-o-maghrib ki god mein gulzar

magar khizan ko muyassar nahin yaqin-e-bahar

khabar nahin hai bamon ke banane walon ko

tamiz ho to mah-o-mehr-o-kahkashan hain shikar

usi se tegh-e-nigah ab dar hoti hai

tujhe bataun bari shai hai jurat-e-inkar

kiye hain shauq ne paida hazar wirane

ik arzu ne basae hain lakh shahr-e-dayar

nishat-e-subh baharan tujhe nasib nahin

tire nigah mein hai biti hui shabon ka khumar

farokht hoti hai insaniyat si jins-e-giran

jahan ko phunk na degi ye garmi-e-bazar

yahi hai zinat-o-araish-e-urus-e-sukhan

magar fareb bhi deti hai shokhi-e-guftar