جس کا مجھے ارماں ہے وہ اکثر نہیں ملتا

جس کا مجھے ارماں ہے وہ اکثر نہیں ملتا

میں ہوش میں ہوں اور مجھے گھر نہیں ملتا

انسان سے رخصت ہوا معیار فضیلت

دستار تو لاکھوں ہیں مگر سر نہیں ملتا

پیشانیاں ڈھونڈیں تو کہاں اپنا ٹھکانہ

سجدوں کا جو مرکز تھا وہی در نہیں ملتا

جو چاہے سنے ہے یہ مرے قلب کی آواز

جو حق ہے مرا سب کے برابر نہیں ملتا

جب تک طلب صبر تھی دل نے نہ دیا ساتھ

اب ذوق ستم ہے تو ستم گر نہیں ملتا

سر پھوڑنا چاہوں بھی تو پتھر نہیں ملتا

تم کو تو حبیبؔ اس نے صدا دی ہے کئی بار

ایسا تو کسی کو بھی مقدر نہیں ملتا