کبھی خنداں کبھی گریاں کبھی رقصا چلیے

کبھی خنداں کبھی گریاں کبھی رقصا چلیے

دور تک ساتھ ترے عمر گریزاں چلیے

رسم دیرینۂ عالم کو بدلنے کے لیے

رسم دیرینۂ عالم سے گریزاں چلیے

آسمانوں سے برستا ہے اندھیرا کیسا

اپنی پلکوں پہ لیے جشن چراغاں چلیے

شعلۂ جاں کو ہوا دیتی ہے خود باد سموم

شعلۂ جاں کی طرح چاک گریباں چلیے

عقل کے نور سے دل کیجیے اپنا روشن

دل کی راہوں سے سوئے منزل انساں چلیے

غم نئی صبح کے تارے کا بہت ہے لیکن

لے کے اب پرچم خورشید درخشاں چلیے

سر بکف چلنے کی عادت میں نہ فرق آ جائے

کوچۂ دار میں سر مست و غزلخواں چلیے

kabhi khandan kabhi giryan kabhi raqsa chaliye

dur tak sath tire umr-e-gurezan chaliye

rasm-e-derina-e-alam ko badalne ke liye

rasm-e-derina-e-alam se gurezan chaliye

asmanon se barasta hai andhera kaisa

apni palkon pe liye jashn-e-charaghan chaliye

shola-e-jan ko hua deti hai khud bad-e-samum

shola-e-jan ki tarah chak-e-gareban chaliye

aql ke nur se dil kijiye apna raushan

dil ki rahon se su-e-manzil-e-insan chaliye

gham nai subh ke tare ka bahut hai lekin

le ke ab parcham khurshid-e-darakhshan chaliye

sar bakaf chalne ki adat mein na farq a jae

kucha-e-dar mein sar mast-o-ghazalkhwan chaliye