وطن سے دور یاران وطن کی یاد آتی ہے

وطن سے دور یاران وطن کی یاد آتی ہے

قفس میں ہم نوایان چمن کی یاد آتی ہے

یہ کیسا ظلم ہے پھر سایۂ دیوار زنداں میں

وطن کے سایۂ سرو و سمن کی یاد آتی ہے

تصور جس سے رنگیں ہے تخیل جس سے رقصاں ہے

غزال ہند و آہوئے ختن کی یاد آتی ہے

کبھی لیلیٰ و شیریں گاہ ہیر و سوہنی بن کر

نرالے یار کی بانکے سجن کی یاد آتی ہے

کہاں کا خوف زنداں دہشت دار و رسن کیسی

قد معشوق و زلف پر شکن کی یاد آتی ہے

watan se dur yaran-e-watan ki yad ati hai

qafas mein ham nawayan-e-chaman ki yad ati hai

ye kaisa zulm hai phir saya-e-diwar-e-zindan mein

watan ke saya-e-sarw-o-saman ki yad ati hai

tasawwur jis se rangin hai takhayyul jis se raqsan hai

ghazal-e-hind-o-ahu-e-khutan ki yad ati hai

kabhi laila-o-shirin gah hir-o-sohani ban kar

nirale yar ki banke sajan ki yad ati hai

kahan ka khauf zindan dahshat dar-o-rasan kaisi

qad maashuq-o-zulf par shikan ki yad ati hai