ہم جو محفل میں تری سینہ فگار آتے ہیں

ہم جو محفل میں تری سینہ فگار آتے ہیں

رنگ‌ بر دوش گلستاں بہ کنار آتے ہیں

چاک دل چاک جگر چاک گریباں والے

مثل گل آتے ہیں مانند بہار آتے ہیں

کوئی معشوق سزا وار غزل ہے شاید

ہم غزل لے کے سوئے شہر نگار آتے ہیں

کیا وہاں کوئی دل و جاں کا طلب گار نہیں

جا کے ہم کوچۂ قاتل میں پکار آتے ہیں

قافلے شوق کے رکتے نہیں دیواروں سے

سینکڑوں مجس و زنداں کے دیار آتے ہیں

منزلیں دوڑ کے رہرو کے قدم لیتی ہیں

بوسۂ پا کے لیے راہ گزار آتے ہیں

خود کبھی موج و تلاطم سے نہ نکلے باہر

پار جو سارے زمانے کو اتار آتے ہیں

کم ہو کیوں ابروئے قاتل کی کمانوں کا کھنچاؤ

جب سر تیر ستم آپ شکار آتے ہیں

ham jo mahfil mein tiri sina figar ate hain

rang bar dosh-e-gulistan ba kanar ate hain

chak-e-dil chak-e-jigar chak-e-gareban wale

misl-e-gul ate hain manind-e-bahar ate hain

koi maashuq saza war ghazal hai shayad

ham ghazal le ke su-e-shahr-e-nigar ate hain

kya wahan koi dil-o-jan ka talab gar nahin

ja ke ham kucha-e-qatil mein pukar ate hain

qafile shauq ke rukte nahin diwaron se

sainkron majas-o-zindan ke dayar ate hain

manzilen daur ke rahrau ke qadam leti hain

bosa-e-pa ke liye rah guzar ate hain

khud kabhi mauj-o-talatum se na nikle bahar

par jo sare zamane ko utar ate hain

kam ho kyun abru-e-qatil ki kamanon ka khanchao

jab sar-e-tir-e-sitam ap shikar ate hain