وفور شوق کی رنگیں حکایتیں مت پوچھ

وفور شوق کی رنگیں حکایتیں مت پوچھ

لبوں کا پیار نگہ کی شکایتیں مت پوچھ

کسی نگاہ کی نس نس میں تیرتے نشتر

وہ ابتدائے محبت کی راحتیں مت پوچھ

وہ نیم شب وہ جواں حسن وہ وفور نیاز

نگاہ و دل نے جو کی ہیں عبادتیں مت پوچھ

ہجوم غم میں بھی جینا سکھا دیا ہم کو

غم جہاں کی ہیں کیا کیا عنایتیں مت پوچھ

یہ صرف ایک قیامت ہے چین کی کروٹ

دبی ہیں دل میں ہزاروں قیامتیں مت پوچھ

بس ایک حرف بغاوت زباں سے نکلا تھا

شہید ہو گئیں کتنی روایتیں مت پوچھ

اب آج قصۂ دارا و جم کا کیا ہوگا

ہمارے پاس ہیں اپنی حکایتیں مت پوچھ

نشان ہٹلری و قیصری نہیں ملتا

جو عبرتوں نے لکھی ہیں عبارتیں مت پوچھ

نشاط زیست فقط اہل غم کی ہے میراث

ملیں گی اور ابھی کتنی دولتیں مت پوچھ

wafur-e-shauq ki rangin hikayaten mat puchh

labon ka pyar nigah ki shikayaten mat puchh

kisi nigah ki nas nas mein tairte nashtar

wo ibtida-e-mohabbat ki rahaten mat puchh

wo nim shab wo jawan husn wo wafur-e-niyaz

nigah-o-dil ne jo ki hain ibadaten mat puchh

hujum-e-gham mein bhi jina sikha diya ham ko

gham jahan ki hain kya kya inayaten mat puchh

ye sirf ek qayamat hai chain ki karwat

dabi hain dil mein hazaron qayamaten mat puchh

bas ek harf-e-baghawat zaban se nikla tha

shahid ho gain kitni riwayaten mat puchh

ab aj qissa-e-dara-o-jam ka kya hoga

hamare pas hain apni hikayaten mat puchh

nishan hatlari-o-qaisari nahin milta

jo ibraton ne likhi hain ibaraten mat puchh

nishat-e-zist faqat ahl-e-gham ki hai miras

milengi aur abhi kitni daulten mat puchh