یہ بے کس و بے قرار چہرے

یہ بے کس و بے قرار چہرے

صدیوں کے یہ سوگوار چہرے

مٹی میں پڑے دمک رہے ہیں

ہیروں کی طرح ہزار چہرے

لے جا کے انہیں کہاں سجائیں

یہ بھوک کے شکار چہرے

افریقہ و ایشیا کی زینت

یہ نادر روزگار چہرے

کھوئی ہوئی عظمتوں کے وارث

کل رات کے یادگار چہرے

غازے سے سفید مے سے رنگیں

اس دور کے داغ دار چہرے

گزرے ہیں نگاہ و دل سے ہو کر

ہر طرح کے بے شمار چہرے

مغرور انا کے گھونسلے میں

بیٹھے ہوئے کم عیار چہرے

قابل‌ التفات آنکھیں

نا قابل اعتبار چہرے

ان سب سے حسین تر ہیں لیکن

رندوں کے گناہ گار چہرے

ye be kis-o-be qarar chehre

sadiyon ke ye sogwar chehre

mitti mein pare damak rahe hain

hiron ki tarah hazar chehre

le ja ke unhen kahan sajaen

ye bhuk ke shikar chehre

afreqa-o-eshiya ki zinat

ye nadir-e-rozgar chehre

khoi hui azmaton ke waris

kal rat ke yadgar chehre

ghaze se safed mai se rangin

is daur ke dagh dar chehre

guzre hain nigah-o-dil se ho kar

har tarah ke be shumar chehre

maghrur ana ke ghonsle mein

baithe hue kam ayyar chehre

qabil-e-iltifat ankhen

na qabil-e-etibar chehre

un sab se hasin tar hain lekin

rindon ke gunah gar chehre