عطر فردوس جواں میں یہ بسائے ہوئے ہونٹ
Ali Sardar Jafri (1913–2000)عطر فردوس جواں میں یہ بسائے ہوئے ہونٹ
خون گلرنگ بہاراں میں نہائے ہوئے ہونٹ
خود بخود آہ لرزتے ہوئے بوسوں کی طرح
میرے ہونٹوں کی لطافت کو جگائے ہوئے ہونٹ
دست فطرت کے تراشے ہوئے دو برگ گلاب
دل کے ٹوٹے ہوئے ٹکڑوں کو بنائے ہوئے ہونٹ
ظلم اور جبر کے احکام سے خاموش مگر
مہر پیمان محبت کی لگائے ہوئے ہونٹ
itr firdaus jawan mein ye basae hue hont
khun gulrang baharan mein nahae hue hont
khud bakhud ah larazte hue boson ki tarah
mere honton ki latafat ko jagae hue hont
dast-e-fitrat ke tarashe hue do barg-e-gulab
dil ke tute hue tukron ko banae hue hont
zulm aur jabr ke ahkam se khamosh magar
mehr paiman-e-mohabbat ki lagae hue hont