عشق کا نغمہ جنوں کے ساز پر گاتے ہیں ہم

عشق کا نغمہ جنوں کے ساز پر گاتے ہیں ہم

اپنے غم کی آنچ سے پتھر کو پگھلاتے ہیں ہم

جاگ اٹھتے ہیں تو سولی پر بھی نیند آتی نہیں

وقت پڑ جائے تو انگاروں پہ سو جاتے ہیں ہم

زندگی کو ہم سے بڑھ کر کون کر سکتا ہے پیار

اور اگر مرنے پہ آ جائیں تو مر جاتے ہیں ہم

دفن ہو کر خاک میں بھی دفن رہ سکتے نہیں

لالہ و گل بن کے ویرانوں پہ چھا جاتے ہیں ہم

ہم کہ کرتے ہیں چمن میں اہتمام رنگ و بو

روئے گیتی سے نقاب حسن سرکاتے ہیں ہم

عکس پڑتے ہی سنور جاتے ہیں چہرے کے نقوش

شاہد ہستی کو یوں آئینہ دکھلاتے ہیں ہم

میکشوں کو مژدہ صدیوں کے پیاسوں کو نوید

اپنی محفل اپنا ساقی لے کے اب آتے ہیں ہم

ishq ka naghma junun ke saz par gate hain ham

apne gham ki anch se patthar ko pighalite hain ham

jag uthte hain to suli par bhi nind ati nahin

waqt par jae to angaron pe so jate hain ham

zindagi ko ham se barh kar kaun kar sakta hai pyar

aur agar marne pe a jaen to mar jate hain ham

dafn ho kar khak mein bhi dafn rah sakte nahin

lala-o-gul ban ke wiranon pe chha jate hain ham

ham ke karte hain chaman mein ehtimam-e-rang-o-bu

ru-e-giti se naqab-e-husn sarkate hain ham

aks parte hi sanwar jate hain chehre ke nuqush

shahid-e-hasti ko yun aina dikhlate hain ham

maikashon ko muzhda sadiyon ke pyason ko nawed

apni mahfil apna saqi le ke ab ate hain ham