شکست شوق کو تکمیل آرزو کہیے

شکست شوق کو تکمیل آرزو کہیے

جو تشنگی ہو تو پیمانہ و سبو کہیے

خیال یار کو دیجیے وصال یار کا نام

شب فراق کو گیسوئے مشک بو کہیے

چراغ انجمن حیرت نظارہ تھے

وہ لالہ رو جنہیں اب داغ آرزو کہیے

مہک رہی ہے غزل ذکر زلف خوباں سے

نسیم صبح کی مانند کو بہ کو کہیے

شکایتیں بھی بہت ہیں حکایتیں بھی بہت

مزا تو جب ہے کہ یاروں کے رو بہ رو کہیے

بہ حکم کیجیے پھر خنجروں کی دل داری

دہان زخم سے افسانۂ گلو کہیے

shikast-e-shauq ko takmil-e-arzu kahiye

jo tishnagi ho to paimana-o-subu kahiye

khayal-e-yar ko dijiye wisal-e-yar ka nam

shab-e-firaq ko gesu-e-mushk bu kahiye

charagh-e-anjuman-e-hairat-e-nazara the

wo lala ru jinhen ab dagh-e-arzu kahiye

mahak rahi hai ghazal zikr-e-zulf-e-khuban se

nasim-e-subh ki manind ku ba ku kahiye

shikayaten bhi bahut hain hikayaten bhi bahut

maza to jab hai ke yaron ke ru ba ro kahiye

ba hukm kijiye phir khanjaron ki dil dari

dahan-e-zakhm se afsana-e-galo kahiye