کام اب کوئی نہ آئے گا بس اک دل کے سوا

کام اب کوئی نہ آئے گا بس اک دل کے سوا

راستے بند ہیں سب کوچۂ قاتل کے سوا

باعث رشک ہے تنہا رویٔ رہ رو شوق

ہم سفر کوئی نہیں دورئ منزل کے سوا

ہم نے دنیا کی ہر اک شے سے اٹھایا دل کو

لیکن ایک شوخ کے ہنگامۂ محفل کے سوا

تیغ منصف ہو جہاں دار و رسن ہوں شاہد

بے گنہ کون ہے اس شہر میں قاتل کے سوا

جانے کس رنگ سے آئی ہے گلستاں میں بہار

کوئی نغمہ ہی نہیں شور سلاسل کے سوا

kam ab koi na aega bas ik dil ke siwa

raste band hain sab kucha-e-qatil ke siwa

bais-e-rashk hai tanha rawi-e-rah ro shauq

ham safar koi nahin duri-e-manzil ke siwa

ham ne duniya ki har ik shai se uthaya dil ko

lekin ek shokh ke hangama-e-mahfil ke siwa

tegh-e-munsif ho jahan dar-o-rasan hun shahid

be gunah kaun hai is shahr mein qatil ke siwa

jane kis rang se ai hai gulistan mein bahar

koi naghma hi nahin shor-e-salasil ke siwa