جذبات کے قصے ہیں ہنر لفظ گری ہے

جذبات کے قصے ہیں ہنر لفظ گری ہے

پلکوں پہ سجائی ہے جو اشکوں کی لڑی ہے

اک بھولی ہوئی یاد کی تصویر بنی ہے

اے راحت جاں راز یہ معلوم ہے ہم کو

اک تیرے سوا جو بھی یہاں شے ہے بری ہے

خاموشی ہے اب میری سماعت کا تقاضہ

پائل کی کھنک کان پہ زنجیر زنی ہے

مدہوشی کا عالم ہے اسے وہم و گماں میں

وحشت میں کسے چاک گریباں کی پڑی ہے

دل ضبط کی آتش میں جلایا ہے مسلسل

پتھر بھی پگھل جائے وہ لفظوں میں نمی ہے

jazbat ke qisse hain hunar lafz giri hai

palkon pe sajai hai jo ashkon ki lari hai

ik bhuli hui yad ki taswir bani hai

ai rahat-e-jan raz ye maalum hai ham ko

ik tere siwa jo bhi yahan shai hai buri hai

khamoshi hai ab meri samaat ka taqaza

pail ki khanak kan pe zanjir zani hai

madhoshi ka alam hai use wahm-o-guman mein

wahshat mein kise chak-e-gareban ki pari hai

dil zabt ki atish mein jalaya hai musalsal

patthar bhi pighal jae wo lafzon mein nami hai