دل ہیں یوں مضطرب مکانوں میں

دل ہیں یوں مضطرب مکانوں میں

مچھلیاں جیسے مرتبانوں میں

دھوپ سے ڈھونڈتے ہیں راہ فرار

لوگ شیشے کے سائبانوں میں

بے ارادہ کلام کی خواہش

بے سبب لکنتیں زبانوں میں

تیری آمد پہ جیسے لوٹ آیا

وقت گزرے ہوئے زمانوں میں

دل دھڑکتا ہے ہر ستارے کا

آج کی رات آسمانوں میں

زنگ آلود ہو گئے جذبی

جم گئے حرف سرد خانوں میں

ریشمی لوگ ڈھونڈتے ہیں ہم

شہر کے آہنی مکانوں میں

dil hain yun muztarib makanon mein

machhliyan jaise martabanon mein

dhup se dhundte hain rah-e-farar

log shishe ke saibanon mein

be irada kalam ki khwahish

be sabab luknaten zabanon mein

teri amad pe jaise laut aya

waqt guzre hue zamanon mein

dil dharakta hai har sitare ka

aj ki rat asmanon mein

zang alud ho gae jazbi

jam gae harf-e-sard khanon mein

reshmi log dhundte hain ham

shahr ke ahani makanon mein