زخموں کا دوشالہ پہنا دھوپ کو سر پر تان لیا

زخموں کا دوشالہ پہنا دھوپ کو سر پر تان لیا

کیا کیا ہم نے کشٹ کمائے کہاں کہاں نروان لیا

نقش دیے تری آشاؤں کو عکس دیے ترے سپنوں کو

لیکن دیکھ ہماری حالت وقت نے کیا تاوان لیا

اشکوں میں ہم گوندھ چکے تھے اس کے لمس کی خوشبو کو

موم کے پھول بنانے بیٹھے لیکن دھوپ نے آن لیا

برسوں بعد ہمیں دیکھا تو پہروں اس نے بات نہ کی

کچھ تو گرد سفر سے بھانپا کچھ آنکھوں سے جان لیا

آنکھ پہ ہات دھرے پھرتے تھے لیکن شہر کے لوگوں نے

اس کی باتیں چھیڑ کے ہم کو لہجے سے پہچان لیا

سورج سورج کھیل رہے تھے ساجدؔ ہم کل اس کے ساتھ

اک اک قوس قزح سے گزرے اک اک بادل چھان لیا

zakhmon ka doshala pahna dhup ko sar par tan liya

kya kya ham ne kasht kamae kahan kahan nirwan liya

naqsh diye tiri ashaon ko aks diye tire sapnon ko

lekin dekh hamari halat waqt ne kya tawan liya

ashkon mein ham gundh chuke the us ke lams ki khushbu ko

mom ke phul banane baithe lekin dhup ne an liya

barson baad hamen dekha to pahron us ne bat na ki

kuchh to gard-e-safar se bhanpa kuchh ankhon se jan liya

ankh pe hat dhare phirte the lekin shahr ke logon ne

us ki baten chher ke ham ko lahje se pahchan liya

suraj suraj khel rahe the sajid ham kal us ke sath

ik ik qaus-e-quzah se guzre ik ik badal chhan liya