محتاج ہم سفر کی مسافت نہ تھی مری

محتاج ہم سفر کی مسافت نہ تھی مری

سب ساتھ تھے کسی سے رفاقت نہ تھی مری

حق کس سے مانگتا کہ مکینوں کے ساتھ ساتھ

دیوار و بام و در کو ضرورت نہ تھی مری

سچ بول کے بھی دیکھ لیا ان کے سامنے

لیکن انہیں پسند صداقت نہ تھی مری

میں جن پہ مر مٹا تھا وہ کاغذ کے پھول تھے

رسمی مکالمے تھے محبت نہ تھی مری

جو دوسروں کے دکھ تھے وہی میرے دکھ بھی تھے

کچھ ایسی مختلف بھی حکایت نہ تھی مری

بس کچھ اصول تھے جو بہ ہر حال تھے عزیز

جانم کسی سے ورنہ عداوت نہ تھی مری

mohtaj ham safar ki masafat na thi miri

sab sath the kisi se rifaqat na thi miri

haq kis se mangta ke makinon ke sath sath

diwar-o-bam-o-dar ko zarurat na thi miri

sach bol ke bhi dekh liya un ke samne

lekin unhen pasand sadaqat na thi miri

main jin pe mar mita tha wo kaghaz ke phul the

rasmi mukalame the mohabbat na thi miri

jo dusron ke dukh the wahi mere dukh bhi the

kuchh aisi mukhtalif bhi hikayat na thi miri

bas kuchh usul the ju ba har hal the aziz

janam kisi se warna adawat na thi miri