یہ کیا حالت بنا رکھی ہے یہ آثار کیسے ہیں

یہ کیا حالت بنا رکھی ہے یہ آثار کیسے ہیں

بہت اچھا بھلا چھوڑا تھا اب بیمار کیسے

وہ مجھ سے پوچھنے آئی ہے کچھ لکھا نہیں مجھ پر

میں اس کو کیسے سمجھاؤں مرے اشعار کیسے ہیں

مری سوچیں ہیں کیسی کون ان سوچوں کا مرکز ہے

جو میرے ذہن میں پلتے ہیں وہ افکار کیسے ہیں

مرے دل کا الاؤں آج تک دیکھا نہیں جس نے

وہ کیا جانے کہ شعلے صورت اظہار کیسے ہیں

یہ منطق کون سمجھے گا کہ یخ کمرے کی ٹھنڈک میں

مرے الفاظ کے ملبوس شعلہ بار کیسے ہیں

ذرا سی ایک فرمائش بھی پوری کر نہیں سکتے

محبت کرنے والے لوگ بھی لاچار کیسے ہیں

جدائی کس طرح برتاؤ ہم لوگوں سے کرتی ہے

مزاجاً ہم سخنور بے دل و بے زار کیسے ہیں

ye kya halat bana rakhi hai ye asar kaise hain

bahut achchha bhala chhora tha ab bimar kaise

wo mujh se puchhne ai hai kuchh likha nahin mujh par

main us ko kaise samjhaun mire ashar kaise hain

miri sochen hain kaisi kaun in sochon ka markaz hai

jo mere zehn mein palte hain wo afkar kaise hain

mire dil ka illaon aj tak dekha nahin jis ne

wo kya jane ke shole surat-e-izhar kaise hain

ye mantiq kaun samjhega ke yakh kamre ki thandak mein

mire alfaz ke malbus shola bar kaise hain

zara si ek farmaish bhi puri kar nahin sakte

mohabbat karne wale log bhi lachar kaise hain

judai kis tarah bartao ham logon se karti hai

mizajan ham sukhanwar be dil-o-be zar kaise hain