چھوٹے چھوٹے سے مفادات لیے پھرتے ہیں

چھوٹے چھوٹے سے مفادات لیے پھرتے ہیں

در بدر خود کو جو دن رات لیے پھرتے ہیں

اپنی مجروح اناؤں کو دلاسے دے کر

ہاتھ میں کاسۂ خیرات لیے پھرتے ہیں

شہر میں ہم نے سنا ہے کہ ترے شعلہ نوا

کچھ سلگتے ہوئے نغمات لیے پھرتے ہیں

مختلف اپنی کہانی ہے زمانے بھر سے

منفرد ہم غم حالات لیے پھرتے ہیں

ایک ہم ہیں کہ غم دہر سے فرصت ہی نہیں

ایک وہ ہیں کہ غم ذات لیے پھرتے ہیں

chhote chhote se mafadat liye phirte hain

dar badar khud ko jo din rat liye phirte hain

apni majruh anaon ko dilase de kar

hath mein kasa-e-khairat liye phirte hain

shahr mein ham ne suna hai ke tire shola nawa

kuchh sulagte hue naghmat liye phirte hain

mukhtalif apni kahani hai zamane bhar se

munfarid ham gham-e-halat liye phirte hain

ek ham hain ke gham-e-dahr se fursat hi nahin

ek wo hain ke gham-e-zat liye phirte hain