پھر وہی لمبی دوپہریں ہیں پھر وہی دل کی حالت ہے

پھر وہی لمبی دوپہریں ہیں پھر وہی دل کی حالت ہے

باہر کتنا سناٹا ہے اندر کتنی وحشت ہے

شام کریں کیسے اس دن کی ٹھنڈی صورت دیکھیں کن کی

ادھر ادھر تو دھواں اڑاتی آگ اگلتی خلقت ہے

جس کو ہم نے چاہا تھا وہ کہیں نہیں اس منظر میں

جس نے ہم کو پیار کیا وہ سامنے والی مورت ہے

پھول ببول کے اچھے ہیں لیکن ساکت تصویروں میں

سچ مچ کے صحراؤں کی تو اس دل جیسی صورت ہے

تیرے بعد دکانوں پر میں جا کر پوچھتا رہتا ہوں

کیا وہ خوشبو مل سکتی ہے اب اس کی کیا قیمت ہے

بڑے بڑے سپنے نہیں بوئے میں نے اپنے آنگن میں

ننھی منی خوشیاں ہیں مری چھوٹی سی اک جنت ہے

phir wahi lambi dopaharen hain phir wahi dil ki halat hai

bahar kitna sannata hai andar kitni wahshat hai

sham karen kaise us din ki thandi surat dekhen kin ki

idhar idhar to dhuan urati ag ugalti khilqat hai

jis ko ham ne chaha tha wo kahin nahin is manzar mein

jis ne ham ko pyar kya wo samne wali murat hai

phul babul ke achchhe hain lekin sakit taswiron mein

sach much ke sahraon ki to is dil jaisi surat hai

tere baad dukanon par main ja kar puchhta rahta hun

kya wo khushbu mil sakti hai ab us ki kya qimat hai

bare bare sapne nahin boe main ne apne angan mein

nanhi mani khushiyan hain miri chhoti si ik jannat hai