کہا تخلیق فن بولے بہت دشوار تو ہوگی

کہا تخلیق فن بولے بہت دشوار تو ہوگی

کہا مخلوق بولے باعث آزار تو ہوگی

کہا: ہم کیا کریں اس عہد نا پرساں میں کچھ کہیے

وہ بولے کوئی آخر صورت اظہار تو ہوگی

کہا: ہم اپنی مرضی سے سفر بھی کر نہیں سکتے

وہ بولے ہر قدم پر اک نئی دیوار تو ہوگی

کہا: آنکھیں نہیں اس غم میں بینائی بھی جاتی ہے

وہ بولے ہجر کی شب ہے ذرا دشوار تو ہوگی

کہا: جلتا ہے دل بولے اسے جلنے دیا جائے

اندھیرے میں کسی کو روشنی درکار تو ہوگی

کہا: یہ کوچہ گردی اور کتنی دیر تک آخر

وہ بولے عشق میں مٹی تمہاری خوار تو ہوگی

kaha takhliq fan bole bahut dushwar to hogi

kaha makhluq bole bais-e-azar to hogi

kaha: ham kya karen is ahd-e-na pursan mein kuchh kahiye

wo bole koi akhir surat-e-izhar to hogi

kaha: ham apni marzi se safar bhi kar nahin sakte

wo bole har qadam par ik nai diwar to hogi

kaha: ankhen nahin is gham mein binai bhi jati hai

wo bole hijr ki shab hai zara dushwar to hogi

kaha: jalta hai dil bole use jalne diya jae

andhere mein kisi ko raushni darkar to hogi

kaha: ye kucha gardi aur kitni der tak akhir

wo bole ishq mein mitti tumhari khwar to hogi