مرا ہے کون دشمن میری چاہت کون رکھتا ہے

مرا ہے کون دشمن میری چاہت کون رکھتا ہے

اسی پر سوچتے رہنے کی فرصت کون رکھتا ہے

مکینوں کے تعلق ہی سے یاد آتی ہے ہر بستی

وگرنہ صرف بام و در سے الفت کون رکھتا ہے

نہیں ہے نرخ کوئی میرے ان اشعار تازہ کا

یہ میرے خواب ہیں خوابوں کی قیمت کون رکھتا ہے

در خیمہ کھلا رکھا ہے گل کر کے دیا ہم نے

سو اذن عام ہے لو شوق رخصت کون رکھتا ہے

مرے دشمن کا قد اس بھیڑ میں مجھ سے تو اونچا ہو

یہی میں ڈھونڈھتا ہوں ایسی قامت کون رکھتا ہے

ہمارے شہر کی رونق ہے کچھ مشہور لوگوں سے

مگر سب جانتے ہیں کیسی شہرت کون رکھتا ہے

mira hai kaun dushman meri chahat kaun rakhta hai

usi par sochte rahne ki fursat kaun rakhta hai

makinon ke taalluq hi se yad ati hai har basti

wagarna sirf-e-bam-o-dar se ulfat kaun rakhta hai

nahin hai nirkh koi mere un ashar taza ka

ye mere khwab hain khwabon ki qimat kaun rakhta hai

dar-e-khema khula rakha hai gul kar ke diya ham ne

so izn-e-am hai lo shauq rukhsat kaun rakhta hai

mire dushman ka qad is bhir mein mujh se to uncha ho

yahi mein dhundhta hun aisi qamat kaun rakhta hai

hamare shahr ki raunaq hai kuchh mashhur logon se

magar sab jante hain kaisi shohrat kaun rakhta hai