کھیلوں گا پھر کبھی کوئی داؤ وصال پر

کھیلوں گا پھر کبھی کوئی داؤ وصال پر

فی الحال منحصر ہوں میں اپنے ملال پر

صورت نہیں عروج کی سب کچھ طلسم ہے

دنیا کی نیو رکھی گئی ہے زوال پر

دیکھا ہے جب سے اس نے نتیجہ اڑان کا

خود ہی کتر دئے ہیں پرندے نے بال پر

ٹھوکر پہ رکھ نہ دے ترے سکوں کو بادشاہ

درویش آ رہا ہے اب اپنے کمال پر

اک ٹک نہ دیکھیے کہ اسے ٹوٹنا بھی ہے

رہ رہ کے ڈالا کیجے نگاہیں سفال پر

وحشت کی کشتیوں پہ ہیں جانیؔ سوار اور

آمادہ ہو رہی ہیں یہ لہریں اچھال پر

khelunga phir kabhi koi dao wisal par

filhal munhasir hun main apne malal par

surat nahin uruj ki sab kuchh tilism hai

duniya ki niw rakhi gai hai zawal par

dekha hai jab se us ne natija uran ka

khud hi katar diye hain parinde ne bal par

thokar pe rakh na de tire sukun ko badshah

darwesh a raha hai ab apne kamal par

ik tuk na dekhiye ke use tutna bhi hai

rah rah ke dala kije nigahen sifal par

wahshat ki kashtiyon pe hain jani sawar aur

amada ho rahi hain ye lahren uchhal par